劉美君 . 23 Dec 1986
01最後一夜
02清晨
03亞熱帶少年Subtropical Boy
04忘情
05午夜情
06假裝
07Mind Made Up
08霓虹鳥
09
10惆悵滄桑夜

監製:陳永良
錄音:王紀華
錄音室:OK S
tudio
Art DirectorJoe Wong
Jacket DesignImpressive Co
Make UpJudy Leung
Hair StylistLowrance Cheung

有人.樂評
 
   

 

   
1986年 現代唱片6.280001
頭版黑膠唱片由西德廠印製
黑膠上貼紙印上廠名(可放大左圖)
其後唔知第幾版既黑膠貼紙已有不同
而且顏色亦較色淡色並沒有廠名
但黑膠封套同樣有印上DMM
irect Metal Mastering
只曾在頭幾張現代唱片出現過
其中何嘉麗<一心一生>及劉美君這張碟
都是發燒友讚是廣東錄音天碟

 

 

 

   
1986年 現代唱片6.280001
再版黑膠唱片應該是香港印製
但黑膠上貼紙明顯褪色
並且沒有了西德廠名(可放大左圖)
而內頁海報歌詞每個版都一樣
這張海報真係好靚
以前只聽盒帶 盒帶內並沒有任何相片
約2000年我才開始學聽黑膠
當時在深水埗鴨記十蚊廿蚊一張二手黑膠
雖然是二手碟 但很多都很新淨
就在這時候買了很多劉美君既唱片

 

 

 

   
2005年 sonybmg82876726001
1986-2005剛好廿年
在這個愛復刻的香港樂壇
在環球復黑王好賣過新碟既時候
sonybmg推出了這張真正復黑王
最近在香港推出既黑膠唱片都係日本印製
但這張<劉美君>是由歐洲印片
並由原來的單封套變為雙套
打開見到好大個頭既劉美君
海報歌詞與舊版相同每個版都一樣
可是黑膠上既貼紙比褪色更褪色

 

 

 

   
1986年 現代唱片4.280001
第一樣買劉美君既東西就係<劉美君>盒帶
但聽得太多 歌詞紙已溶溶難難
到搬屋時更慘被棄掉
但那盒帶 令我回味我的1987

現在我有這全新盒帶是我07年係上環樓梯街買
由於一次買很多盒 檔口亞伯以平價賣畀我
把我部份被掉既劉美君盒帶 再現眼前 

 

 

 

   
1987年 現代唱片8.280001
好多發燒友都說就算有咁多個制式既CD
始終最最最靚聲都係頭版

頭版 究竟那一款才是頭版?
原來我一直都搞錯...
上年見到一張銀面版既<劉美君>
那二手店訂了價五百大元...
我當然冇買...太貴

今年與一個相熟二手店主閒談開
才知銀碟既<劉美君>就係真正既第一版
她答應替我搜尋一隻...
結果08年6月
我以一個超平既價錢買了這張<劉美君>

 

 


   
1987年 現代唱片8.280001
未知那張銀碟版之前...
我還以為這一個版就是頭版
金色貼側紙邊寫著
<劉美君金鐳射紀念專輯>
金色碟面,但碟底都是銀色
所以這並不真是一張金碟
沒有盒背紙,訂價$89.50
當時來說一張中文CD都要過百
所以這張碟算是個優惠價

1986推出黑膠盒帶
而鐳射唱片並未普及
所以CD在1987年才推出
並且加上第一張12吋既兩首混音作品
   

 

 


   
1987年 現代唱片8.280001
金銀橙舊版都是天龍廠印碟
但天龍版都有分兩個版本
如銀碟版及金碟版早期印碟
細圈印編碼刻上的字較濛
如細圈編碼的字是清楚明顯
這就代表是後期既天龍版

而編碼亦有前後次序之分
如1A1就先過1A2
1A2...1A3如此類推
多年來這張<劉美君>雖然印碟多次
但亦曾有幾年時間絕跡市面
二手唱價都一直高企
直至2002年...
   

 

 

 

   
2002年 BMG 74321-940122
黑白封面轉為黑銀封面 更有型  
第一女歌手復刻廣東大碟為SACD
被推崇為最好聲既廣東SACD
也令這張唱片一度斷市
我親眼見過四百大元都有人掏銀包出來
而最高標價就見是六百

歐洲印碟 除了原本<劉美君>十首歌外
再加上7首hits
令樂迷更超值去再重溫絕版多時既經典唱片

SACD已再印,很多唱片店都有售
約百五元就可以買到
   

 

 

 

   
200年 BMG 82876517562
SACD由SONY及PHILIPS合製之產品
每張SA都有兩層製式 容量比普通CD大
而當中步驟是用DSD過程做混音
所以每張SACD唱片都會見到DSD這個Logo

香港人喜歡物盡其用並要價廉但不一定要物美 
要製造一張SA製作成本高 
而且仲要到其他地方印製
所以如沒有肯定既銷量的專輯及歌手
也不會有機會印製SA發燒唱片

所以退而求其次 唯有只取混音部份製錄普通CD
香港各大唱片公司:環球新藝寶新力華星華納等
合共發行數以百計的DSD復刻唱片
而DSD零售價比SACD平一倍
正式揭開懷念八十年代樂壇的第一步
   

 

 

   
200年 SONYBMG 82876726002
SA斷市由XR頂住先
XR與SA曲目相同..但..
如果SA是天堂 XR必定是地獄
發燒友狠批這是最差音效的<劉美君>
甚至差過58大元既DSD版

也奇怪 XRCD是JVC所製研的技術
而且很多XR都係由日本JVC Victor廠印製
但<劉美君>細圈並不是一向Victor用的編碼
而且更並沒有註明是日本製造
這與其他香港發行的XRCD很不同

唔知有冇關係 XRCD推出不久
SACD重現唱片店
   

 

 

   
   
200年 SONYBMG 82876715132
復刻熱潮一發不可收拾 
環球推出復黑王好賣過新碟
其他公司也要來黑碟一番
一些不太活躍的唱片公司也不例外
有EMI永恆SONYBMG等等
當中不乏絕世絕版好碟
sonybmg第一批有
劉美君既第一張碟,<點解>及<笑說>
但論驚喜就不及未出過CD既
林志美郭小霖唱片及憶蓮既
<愛情I Don’t Know>

而隨碟有一本唱片介紹書
簡述介紹各款復黑唱片
   

 

 

 

   
200年 SONYBMG 88697130412
第一張流行曲既LPCD係王菲既精選
第一張以大碟形式出LPCD係劉美君
但為了放滿一張碟
與SA同XR加上了7首同樣的精選歌
全碟時間有72分鐘 絕對抵聽

LPCD係由雨果創辦人研究出來
但較果我覺得非常不錯
與王菲譚詠麟既LPCD都同屬靚聲

雖然是同一張相片
但XR與LP的封面與原版或SA不同
我較喜歡原版封面
這張LPCD碟面是白色 碟底是紫藍色的
   

 

 

 

   
2008年 SONYBMG 88697312672
繼經典系列之後 新力再來一次復刻系列
並以日本印碟 高質素音效做賣點
(需則是日本印碟 但看不出是那間廠印製)

今次放棄奇異既包裝
改為最原始既CD盒
但要說原汁原味又不完全是
封面跟原版有點不同
全碟十首歌與黑膠相同
少了原版CD兩首Remix
不知為何 這張碟沒有歌詞
但多左張下載鈴聲既廣告
大家都可以下載全碟既歌做鈴聲
這張CD碟面是淺灰色的
   

 

有人.色狼

以後未來是個謎,不必牽強說盟誓,難料那夜再一齊...


好一陣子無寫Blog。懶係固之然啦,不過呢個月除了病
了一個星期之外,就是忙著學Dreamweaver、Firework,同埋Flash。希望快點可以完成阿姐個網頁啦,見到13兄咁有心思,又咁快手,真係有D慚愧。其實大致點做,都已經有個初稿,現今階段係學緊Flash,希望可以為個網頁帶點動感。

寫老大既歌,又點可以唔提佢既成名大碟『劉美君』。記得大概係小六升中一既暑假,第一次接觸到老大,就係係無記金曲挑戰站(廿幾年來仲有呢個節目)。果陣仲細,除左寫歌名去唱片舖叫老闆錄卡式帶之外,就係拎部卡式機放係電視面前,analog咁錄,我又唔多聽電台。邊有家下咁方便,download來聽下好唔好聽先買。記得當時錄到中途,介紹一位新人,隻歌叫『午夜情』。個MV一播就係舞廳既台,已經好驚。當聽到『誰願意身體每處任撫摸』,即刻熄機無再錄落去。嘩,當年我得11歲。撫摸呢家野真係聽到都會面紅。仲點敢聽落去。

到之後學校去旅行,當時好興帶卡式機去,係旅遊巴上面一齊唱。回程時其中播了一首勁好UN既歌,當時唔知叫乜名,總之係勁鍾意個編曲。一聽到你個欏柚係會不停咁UN,但又唔會好嘈。返到屋企見到電影播個MV。嘩,勁正!第二日膽粗粗咁去買了一生人第一個正版 -  卡式帶。日播夜播。但始終最鍾意,都係搞到個欏柚停唔到既『最後一夜』。

編曲正唔在講,歌詞真係好有意思。當時仲係僂儸既我,真係好想知『壞』係點既。呢隻歌自此大大話話陪左我廿幾年。錄卡式帶好,MD好,新歌中總會夾著呢隻歌。我電話第一個MP3鈴聲都係呢首歌,家下寫緊呢篇野都係聽住。我諗真係無乜邊首歌可以聽廿幾年都唔會厭,仲要無OUT既感覺。

呢隻碟係好多網站都被評為80年代十佳唱片。當年邊個屋企有唱盤會無呢隻碟? 銷量好不在話下,碟內好唔少歌係登上當時流行榜既冠軍位置。但可惜既係當年唔興頒金曲獎畀新人。就連新人獎都唔多。換著今日,真係拎獎都拎到手軟。苟姐志不在此,有無獎我諗佢都唔志在。試問之後有邊個新人可以破到佢銷量紀錄? 真係前無古人,後無來者。

除左『最後一夜』,我最鍾意既要算是『清晨』。可能你會覺得我懶感性,但係呢隻歌,我時不時都會聽到喊。『懷抱寂寞,手插在褲袋的我,沿著電車的冷冷軌道』。可能你未真真正正試過孤獨寂寞的感覺,但我真係試過得返幾幾度半夜三更係跑馬地一個人行電車軌。呢隻歌好能夠帶出果種『冷』既感覺。

『忘情』係黃霑寫畀阿姐既第一首歌。呢隻歌係中學用來教比喻真係FIT哂。『忘情,不可以可以不,不可再受傷;創痛,不可以不可再痛,不可再這樣』呢幾句歌詞,當年我仲未知有幾殺傷力。當到拍拖時,每次分手,都會同自己講過萬次以上。究竟填詞人係唔係真係要經歷過呢D痛,先可以寫得出這樣有共鳴的詞?

呢隻碟,傷心的歌仲有『假裝』。『從來傷心只好假裝作無奈的臉』我覺得比徐小鳳的無奈更無奈。『虧欠了他在等你』我做左都唔知有幾多次。唔通,呢D情情塔塔既野﹐早早就在聽老大的歌時,深深咁烙在腦中?

有返三十歲以上的朋友,無論係唔係老大的FANS,聽到呢隻碟既歌,點都會哼得返兩咀。未聽過呢隻碟都唔好話人知你係老大既FANS呀。可惜,我隻天龍版當年比人偷左個袋既時候無左。家下都係得返隻SACD。呢隻碟,實在太經典了。都唔駛我推介邊首歌啦。

推介歌:全碟

 

來源:色狼Blog - http://hk.myblog.yahoo.com/im-colorwolffee

 

 

有人.小軍

Subtropical Boy

我不是劉美君的歌迷1986年推出的首張大碟,卻是我的「家」播放率最高的大碟

年少家貧,但爸爸對音響仍然喜好的偶然多賺一點錢,他也會買些唱片聽的。記憶中他播得最多的就是《劉美君》這張大碟。他看來很喜愛《亞熱帶少年》和《午夜情》(為甚麼是《午夜情》??)。另外聽得較多的還有第二張碟的《一對舊皮鞋》。

爸爸在我中四時突然因病過身了。其實十多年來,沒有特別的傷感及懷念,但每次聽到「Subtropical Boy」,就會記起這是爸爸所喜愛的。

大學畢業後,很快便開始工作。想為自己找點私人空間,但卻負擔不起一個人租樓住。因此便開始了與朋友一同租樓。初時聽到朋友播《劉美君》這張大碟不以為然,但及後卻在「清晨」多次半夢半醒地聽到「Subtropical Boy」,卻令我一下子回到爸爸還在家,我還是小孩子的感覺。其實家埵6000多張CD,他卻重覆地勁播這大碟,我相信他真的很愛這張碟。

生活就是這樣巧合、有趣,記憶也就可貴。

那天,當我在劉美君演唱會,聽到《亞熱帶少年》的Intro,觀眾在大叫。一時感動,淚水也就幾乎湧出來。我知,我是代爸爸聽這次演唱會的。

來源:小軍Blog - http://hk.myblog.yahoo.com/titancsc

 

 

    
    
最後一夜  
放低 願你把身體放低
縱使 沒法把心窩放低
再伴我一晚 讓記憶添一分美麗
最後這一晚 就快消逝

以後未來是個謎
不必牽強說盟誓
難料
夜再一齊
Let me touch you one more night
以後未來像個謎
只知愛你愛難逝
無論有沒有將來
Let me hold you one more night

徹底 讓愛火燒得徹底
縱使 沒法可相戀到底
你是我所愛 就算交低一堆嘆謂
你是我一切 就算消逝

以後未來是個謎
不必牽強說盟誓
難料
夜再一齊
Let me touch you one more night
以後未來像個謎
只知愛你愛你愛難逝
無論有沒有將來
Let me hold you one more night
 
曲 :T.HendrikK.Van Harren
   M.Applegate
詞 :林振強
編曲:鄧秉正
鼓 :陳偉強
結他:蘇德華
鍵琴:
Alexander Deracruz
和唱:陳永良

最後一
也不用計算 這是我人生中聽得最多的一首歌
不過 我仍不明白
為何一個中二生如此愛上這首歌
來聽說這歌說的是一夜情
這更令我困擾一陣子

某天 我的ipod播過<最後一夜>後
接著就是播林憶蓮既<沒結果>
兩首歌就像是有關連的

以後未來是個
 不必牽強說盟誓
其實 無論有沒有結果 

愛過 已很好

    
    
清晨  
晨曦中上這薄霧
地在這街頭散步
柔光中 隱約漸見拖馬步過
寒意內人像馬呼也了霧

回看昨日擺動了小手臂
搖蕩著父母編的馬尾跑步
當日背著書包的我
曾在榕樹上留了記號

但昨天沒法等
像昨天的風箏
當天風箏飄著歡欣
飄起片片碎白

純白像那童真
還像一串和一串疑問

晨曦中披上這薄霧
地在這街頭散步
柔光中 街角漸見拖馬步過
寒意內人像馬呼也了霧

懷抱寂寞手插在褲袋的我
沿著電車的冷冷軌道
猶似失落只有這風中的我
尋覓榕樹上零碎記號

但昨天沒法等
像昨天的風箏
當天風箏飄著歡欣
飄起片片碎白

純白像那童真
還像一串和一串疑問
(還在天裡淘氣的在親吻
溫馨的仿似吻在我心)
曲 :敏怡
詞 :文井一
編曲:
敏怡
鼓 :
Donald Ashley
結他:包以正
低音結他:
港生
鍵琴:
敏怡

敲擊樂:Donald Ashley

95-97年期間在跑馬地馬場工作
某冬天的早上九點幾(已不是清晨)
我就在銅鑼灣沿著冷冷軌道行到跑馬地
穿過鐵網 隱約漸見拖馬步過
在行到差不多電車總站時候
有人真的拖馬步過馬路

我不知道填詞的是否寫著這個情景
但我現在每次到跑馬地
都會記得我第一次馬場外見到馬的愕然

我還記得...
「這首歌很好聽!」某同學向我說
之後還請了我吃吉百利
    
    
亞熱帶少年Subtropical Boy  
Subtropical Boy
林內小蜘蛛 說感到沒意義
無聊地看天邊 望尋到意義
下雨天沒心思 這熱帶反氣旋
無法了解的天 就如他心意

Subtropical Boy Subtropical Boy
Subtropical Boy Subtropical Boy Yeah

Subtropical Boy
無聊
地弄張紙 寫半篇詩作詞
無言地望天邊 卻沒尋到意義
椰林內小蜘蛛 將往昔的日子
帶到我心中輕講我知

留於心中昨天 眷戀每段前事
站於這個角落 只有寂寞地告別
樹枝輕輕告知 請將往日忘掉
盡量要抹去無助的心中的期待
曲 :宏仁
詞 :雨言
編曲:
宏仁
結他:李廷匡
低音結他:
士先
鍵琴:
宏仁

和唱:
張偉文/文傑/周小君
   Anna Katemopoulas

喜歡劉美君都有廿年
但從來沒有想過要找她的歌做網名
某天去看小軍
B
log
見到一個名
為Subtropical Boy的人留言
吓?!亞熱帶少年?!Sub Sub Sub?!
其實 未認識亞熱帶少年之前
我已見過這位朋友
因為大家都係坐埋一條船返工

就在這裡多謝劉美君間接介紹了這馬灣之友
也多謝Subtropical Boy的Oh Father

    
    
忘情  
忘情 不可以不可以不
不可再受傷
創痛 不可以不可再痛
不可再這樣
當初甜蜜 陣陣已像香水
濃烈過後 餘香消逝 就不再香

只好忘情 當天你當天我都
心中有幻想
變了 今天你今天我變
心中已變樣
當初暖火 陣陣已像戀愛
狂熱燒過 餘溫消逝 就變模樣

種種錯失 請你原諒
請你盡忘 不再回望

請寬恕並忘情 不想你不想我心
心中再受傷
過了 當天已當天已過
今天已兩樣
當初笑聲 陣陣已像歌曲
旋律飄過 餘音消逝 就不在響
曲 :黃霑
詞 :黃霑
編曲:陳永良
鼓 :陳偉強
結他:蘇德華
低音結他:
港生
鍵琴:陳永良
絃樂:薛國宏絃樂團
色士風:
Romeo S Samtos

和唱:建中

因為曾為這歌和唱過
88年我買過胡建中既盒帶
這位現代第一男新人
只能成為一碟歌手
已沒有印象他的歌或唱得如何
果然 旋律飄過 餘音消逝 就不在響

以前讀書買既所有盒帶
已經搬屋時畀亞媽掉晒
包括所有劉美君及麥當娜既盒帶
    
    
午夜情  
Jay 一張醉臉傻痴痴
Jay 不喜說話像冬天
我 我甘願長相依
決意 一生跟你

Jay 這故事難啟齒
星 星閃過漸漆黑
願 願追逐無止境
隨便講 心裡沒你

Jay 不得已作段落
往日 是命裡安排
我 賣醉後是玩物
滿面 淚踐踏的傷
誰願意 身體相處任撫摸
誰願 半點朱唇吻千個

Jay 歡場裡無真心
Jay 不肯相信亦應知
但 每次見你傻痴痴
我甜絲絲輕吻著你(深愛著你)

我甜絲絲 I fall in love
Jay
曲 :李世健
詞 :劉美君
編曲:陳永良
鼓 :陳偉強
結他:蘇德華
低音結他:
港生
鍵琴:陳永良
敲擊樂:陳永良
絃樂:薛國宏絃樂團
色士風:
Romeo S Samtos

08演唱會中劉美君不多說話
但都有段過場稿
什麼大傻天真等說話

20歲就填得這一首詞
劉美君的確是早熟
這首已是她的經典歌
就連梁好逑去電視台試鏡都唱這歌
而吳君如的<午夜鳴>亦街知巷聞

可是...
有時我聽這張大碟時
我好多時都會skip呢首歌
    
    
假裝  
當你說今晚 凌晨經已接近
你偷看 手錶裡 未停頓每分秒
心醉 但心醉 無從將你鎖住
留不到你 留不到你 我是知道

從來傷心只可假裝滿懷倦的臉
(從來傷心只可假裝作無奈的臉)
吸一口煙 像明白在你心內
虧欠了他在等你
不要滯(逗)留 仍然熱吻我一次
讓那暖暖感受 於嘴角逗留 伴我過一晚

一天再一天 無言只有等待
你call我 說今晚 未能赴我的約
心醉 又心醉 茫然的再等候
說憎你 卻不放棄困著的你

從來傷心只可假裝作無奈的臉
心中懂得 沒名份但要安份
不可過火 沒分寸
不要期求 期求讓我可將你
用愛永遠鎖住
只盼偶然伴我一晚
曲 :宏仁
詞 :卡龍
編曲:
宏仁
結他:李廷匡
低音結他:
士先
鍵琴:
宏仁

<劉美君>這專輯受音響發燒友愛戴
是因為錄音製作出色
第一版黑膠更是西德印碟
而CD頭版就是日本印碟
聽過這張碟N次
個人認為<假裝>及<清晨>用來試機最好

<假裝>原版係紀宏仁既<飛鳥>
但如果不留心聽
完全不為意是同一首曲
而且編曲亦有不同風格
但廣東國語版都是由他自己編曲的
    
    
Mind Made Up  
冰封的心似化石難滲透
默默讓寂靜陪伴這以後
多少次花開花落嘗過夠
得不到他亦無謂發吽竇

Mind made up mind made up
Ho ho hooo

喜歡於漆黑街道留腳印
實在是難覓對象 不相襯
不懂得遮掩渴望似天真
得不到他亦無謂發牙痕

Mind made up mind made up
Ho ho hooo

驅車往清水灣外嘗清風
盡量地享受 寧靜心底種
沙中的孤影 令人微覺凍
就藉著拍岸潮浪將他送

Mind made up mind made up
Ho ho hooo
曲 :翁家齊
詞 :區新明
編曲:翁家齊

鍵琴:翁家齊
和唱:翁家齊

很喜歡行街聽這歌
感覺消遙自在
一路行 一路聽
每個歌隨著步伐
逐個逐個字‘登’出黎
獨特唱腔 只此一家

現代唱片好在有齊成
每個歌手都他們的佳作
隨了劉美君之外
還有鄭瑞芬<假裝假純情>
呂珊林保怡等都有..數數下先知
原來前現代歌手都走無線做主持拍劇

記得87年某天看類似娛樂新聞眼既節目
看見劉美君同呂珊孖住一齊做訪問


    
    
霓虹鳥  
掠過尖東一帶 霓虹裡他飛得快
耀眼的街 這一雙黑布鞋
看慣 每一張招牌

莫說裝束古怪 為要襯出他心態
沒法乖乖 也不想搞買賣
永遠 也不肯長大

看 霓虹鳥迷惘的眼內
印著無數路牌
卻未能夠飛出千里外
憤怒誰會了解

每晚夜分別不太大
看著時間沒埋
每次玩厭後總必發現
這是寒冷的街

誰明白 自由共縛束怎麼分界
誰明白 徬徨沒法解

沒有香煙可買 就似欠低心中債
就算歸家 找不到關懷
怕見 昨天的失敗

徘徊在霓虹霧裡黑暗的邊界
徘徊在漫長夜冷街
曲 :陳永良
詞 :潘源良
編曲:陳永良
鼓 :陳偉強
結他:蘇德華
低音結他:
港生
鍵琴:陳永良
敲擊樂:陳永良
和唱:張偉文/馮文傑/
   Anna Katemopoulas

有時 上堂煲煙
有時 走堂去踩roller
有時 落堂就蒲機舖
晚上 就要去落廣東道
浩浩蕩蕩行到尖東海旁
但 每次玩厭後總必發現
這是寒冷的街
(現在是寒冷的星光大道)


就是這樣
   
   
 
樹 隔著了夜 揮手向我
雲像往昔一般經過
(人像往昔一般經過)
夜隔著窗 輕窺探著說
誰未有 誰未有過苦楚
寂靜隔著午夜 輕輕碰著我
懷念是往昔熱如火
睡著是進入了夢
醒起再次是痛
誰願意 由悲哀佔用這面容
對著鏡 携著易碎下的心情
轉身關退 窗中的遠景

誰曾伴我 一起上路
誰在現今關心我
我怎麼竟分不開
怎會未清楚
曲 :林敏聰
詞 :林敏聰
編曲:林敏怡
鼓 :
Donald Ashley
結他:包以正
低音結他:
港生
鍵琴:
敏怡
絃樂:薛國宏絃樂團

敲擊樂:Donald Ashley

除了多首譚詠麟名曲外
林敏總經典還有<當我想起你>
<深愛著你><夢伴>及<隔>

如果說喜歡<微涼>就是林憶蓮歌迷
那麼劉美君歌迷指定歌應該就是<隔>
   
   
惆悵滄桑夜  
綠酒 紅燈 滄桑夜
獨我 眷戀 紙醉黃昏
藍水晶那激光耀眼奪目
勁舞 狂歌震撼

濃紫色的芬芳漸散魅力
迷離幻化飄逸
塵埃裡翻滾要享受極樂
沉迷痛楚的寂寞
常緊握的你手漸覺乏力
墮落得深深深
不想見凌亂的清晨
不想愛已深愛的親親
他溫暖 他可愛
他無言無語消逝
於蒼白黑暗

像瀟洒掛在麻木上
掀起無聲的迴響
曲 :劉美君
詞 :劉美君
編曲:
Outlet
鼓 :
Johnny 'Boy' Abraham
結他:包以正
低音結他:
港生
鍵琴:包以正

敲擊樂:Johnny 'Boy' Abraham

負責曲詞主唱
ABU參加作品 當時我沒有聽過
但聽說參賽時編曲與大碟版很不同
參賽時編曲節奏較快 很難想像
如果是真的話 希望下次演唱會可以聽到
反正<大開色界>演唱會沒有唱到這首代表作